විටමින් කියන්නේ සමබල ආහාර වේලකට නැතිවම බැරි පෝෂණ කොටසක් බව ඔබ දන්නවා. විටමින් A,B,C,D,E,K ලෙස විටමින් වර්ග බොහොමයක් අපේ ශරීරයට ලොකු වැදගත් කමක් ගෙන දෙනවා. නමුත් ඒ අතරින් අපි අද කතා කරන්න හිතුවේ මේ දවස්වල ජනප්‍රියම වගේම කාගේත් කතා බහට ලක්වෙන විටමින් C පිළිබදවයි.
විටමින් C අපේ සිරුරේ ස්වාභාවිකවම නිපදවෙන විටමින් වර්ගයක් නම් නෙවෙයි. ඉතින් මේ නිසා අපේ සිරුරට අවශ්‍ය විවිධ කාර්‍යයන් සදහා අපි විටමින් C පිටතින් ලබා ගැනීම අවශ්‍යමයි. ඉතා පහසුවෙන් මේ විටමින් C අපට පිටතින් ගන්න පුළුවන්. දොඩම් , දෙහි වගේ පැඟිරි කුලයේ පලතුරු වල වැඩි වශයෙන් විටමින් C අඩංගු වෙන නිසා ලංකාව වගේ රටක ඉන්න අපිට නම් විටමින් C ලබාගන්න එක හරිම පහසුයි දෙයක්.
විටමින් C, ඇස්කොර්බික් අම්ලය ලෙසත් හදුන්වන අතර එය අපේ සිරුරට මෙතරම් වැදගත් වෙන්නේ මේ නිසයි.මේ විදියට අපේ සිරුරට ඉතා වැදගත් වන විටමින් C ගැන මේ දිනවල වැඩිපුර කතාබහට ලක්වෙන්නේ පෙනහළු ආබාධ අඩු කරන නිසාත්, ප්‍රතිශක්තිය වර්ධනයට සහය වන නිසාත්, හර්දයේ ක්‍රියාකාරිත්වයට වැදගත් වන නිසාත්, විටමින් C ලබාගැනීම වෛද්‍යවරුන් පවා නිර්දේශ කර තිබෙනවා.
· සෙම් රෝග සදහා ඉතාමත් හොඳ ප්‍රතිකාරයක්
· ශරීරයේ ප්‍රතිශක්තිකරණය වැඩි කිරීම
· රුධිර නාල තුල රුධිර ධාවනය ක්‍රමවත් කිරීම
· හර්ද රෝග ඇතිවීමේ අවධානම අඩු කරනවා
· පෙනහළු ආබාධ අවම කිරීම
· දත් ,විදුරුමස් හා අස්ථි සවිමත් කිරීම
· මතක ශක්තිය වැඩි දියුණු කිරීම
· තුවාල සහ කැළැල් සුව කිරීම
· යකඩ අඩංගු ආහාර නිසි ලෙස ශරීරයට උරා ගැනීමට සහය වෙනවා
අපගේ නිරෝගිකම රැකදෙනවා වගේම විටමින් C අපිව ලස්සන කරන්නත් ලොකු සහයක් දක්වනවා.විටමින් C වලට සමේ කොලජන් නිපැදවීම වැඩි කිරීමට හැකියාවක් පවතිනවා.ඉතින් මේ නිසා සමේ අදෙනසුලු බව වර්දනය කර සම රැලි වැටීම පාලනය කිරීමටත් විටමින් C වලට පුළුවන්. එයින් ඔබට සුන්දර තරුණ සමක් පවත්වාගන්න පුළුවන්.
ඒවගේම තුවාල ලප කැළැල් සුව කිරීමේ හැකියාවෙන් යුක්ත නිසාම කුරුලෑ ලප කැළැල් ඉක්මනින් නැති කරන්නත් විටමින් C වලට හැකියාව තිබෙනවා. මේ නිසාම සමේ අදුරු පැහැය තුරන් කර ඔබට සුන්දර ඒකාකාරී පැහැපත් සමක් ලැබෙනවා.
පහත ක්‍රම මගින් අපේ සිරුරට විටමින් C ලබා දෙන්න පුළුවන්.
· පැගිරි කුලයට අයත් දොඩම්,දෙහි, ලෙමන් වැනි පලතුරු මෙන්ම ස්ට්‍රෝබෙරි,අන්නාසි, කිවි වගේ පලතුරු වලින්නුත් අපේ සිරුරට පහසුවෙන් විටමින් C ලබාගන්න පුළුවන්.
· ඒ වගේම බෙල් පේපර්, බ්‍රොකොලි , නිවිති වැනි එළවලු වලද විටමින් C වැඩි වශයෙන් අන්තර්ගත වෙනවා.
මේ ආකාරයට එළවලු, පලතුරු වලින් සිරුරට විටමින් C ලබාගන්නවා වගේම පෝෂණ අතිරේකයක් හරහා බාහිරින් අපට විටමින් C ලබාගන්නත් පුළුවන්. විවිධ නිෂ්පාදන නාමයන් මගින් ඔබට විටමින් C බාහිරින් ලබා ගැනීමට හැකි වුවත් ප්‍රමිතියෙන් යුතු විශ්වසනීය නිෂ්පාදනයක් තෝරා ගැනීමටත් වග බලා ගන්න. විශේෂයෙන් විටමින් C අඩංගු අභ්‍යන්තර පෝෂණ සත්කාරකයකට යොමු විය හැකිනම් අනෙක් පෝෂණ අවශ්‍යතා සම්පූර්ණ කිරීමටත් ඔබට පුළුවන්. එමගින් ඔබට නිරෝගී බව රැක ගනිමින් සුන්දර දිවි පෙවෙතක් ගත කිරීමට හැකිවෙනවා.
